Musca et mula.
Musca in temone sedit et mulam increpans :
"Quam tarda es ! inquit, non vis citius progredi?
Vide ne dolone collum compungam tibi."
Respondit illa : "Verbis non moveor tuis;
sed istum timeo sella qui prima sedens
aluum flagello temperat lento meum
et ora frenis continet spumantibus.
Quapropter aufer frivolam insolentiam;
nam ubi tricandum et ubi currendum est scio."
Hac derideri fabula merito potest
qui sine virtute vanas exercet minas.
- III, 6 de Phèdre (source : Phèdre, Estelle Debouy, et Grandville. Fables. Éd. bilingue. Rivages poche. Paris: Éditions Payot & Rivages, 2018.)